Пакуль надзейны і даволі прасторны, а камфорту хацелася б больш

«Шкода Рапід»
Мы купілі «Шкоду Рапід» у 2021 годзе. Дзякуй Богу, паспелі, як кажуць, у апошні
вагон, бо неўзабаве новыя шкоды перасталі пастаўляць да нас.
У цэлым уражанні добрыя. Машына нам спадабалася, глядзіцца прыгожа.
Прыемныя колер, форма, зацемненыя шыбы, ліхтары і фары. Фары, дарэчы, свецяць
добра. Памер салона нармальны, а багажніка вялікі, хоць, натуральна, гэта і не
ўніверсал.
Купілі ў камплектацыі “Актыў +”, з атмасферным
рухавіком 1,6 і механічнай каробкай перадач. Менеджар казаў, што лепш купіць з
рухавіком 1,4 і аўтаматам, але не хацелі траціць дадатковыя грошы. Разумею, што
з аўтатаматам 1,4 ездзіць было б камфортней, але і так нармальна ў прынцыпе. Толькі
трэба прывыкнуць, што трэба мець каля 3000 абаротаў, каб спрытна манеўраваць.
Гэта была першая машына з круіз-кантролем.
Ён вельмі спадабаўся, зручная опцыя. І, што цікава, машына павышаць перадачу з
2,1 тыс. абаротаў, і круіз трымае хуткасць пры такіх абаротах. Паводле старой
звычкі, я ўсё ж павышаю перадачу пасля 2,5-2,6 тысяч.
Для мяне (1,84) сядзенне не вельмі зручнае (караткаватае, нізкаватае), але пасажырам нармальна.
Гукаізаляцыя слабая. Лежачых паліцэйскіх
трэба пераязджаць асцярожна, а то можна дзяўбануць днішчам.
Непрымная нечаканасць была наяўнасць іржы на
днішчы адразу пасля пакупкі.
Не вельмі зручны спідометр. На ім лічбы да
240, пры тым, што максімальная хуткасць 180. І, значыць, на звычайны інтэрвал
(120 км) прыходзіцца толькі палова спідометра.
Кандыцыянер слабы, хапае толькі на пярэднія крэслы, ззаду горача.
Расход паліва нармальны: 6—6,5 л на трасе, 8,5 у горадзе.
Што да рамонту, то пакуль машына новая (2 гады) і паломак не было. За гэта мы ўдзячныя вытворцу. Cпадзяёмся, так будзе і далей.